Stórslys

Já í gær gekk á ýmsu. Allt er þó í góðu lagi, enginn alvarlega meiddur eða slíkt.
Það var nú bara þannig að í gær var í fyrsta skipti sem Lovísa fékk sár eftir "pomp!"

...Ég og Lovísa vorum búin að vera ein yfir daginn að finna okkur e-ð að gera og eins og oftast þá fórum við að syngja og spila á gítarinn samann (mynd hér og hér)

Eftir það þá vildi hún endilega leika sér með gítarstandinn, þar sem hann er nú allur rúnaður og með gúmmíi á þá var það ekkert mál, svo var ég við hliðina á henni að taka myndir (sjá mynd)

Nema hvað að allt í einu er hún bara á hausnum! Hún stóð samt í lappirnar en hafði dottið fram fyrir sig og þar sem hendurnar héldu á standinum náði hún ekki að setja þær fyrir sig og POMP!
...beint á andlitið. fyrstu sekúndubrotin heyrðist ekkert í henni en svo kom það og ég tók hana auðvitað upp um leið og þá sá ég sárið...úff!

Þið sem til þekkið getið ýmindað ykkur hvernig mér leið!

Hún grét í dágóðan tíma enda svíður úr svona sárum og svo láku tárin í sárið, æjj hún var alveg svakalega lítil í sér.
En eftir smá huggun og kaldan, blautan þvottapoka á sárið þá lagaðist allt, hún var eins og ekkert hefði í skorist svo ég tók bara nokkrar myndir til viðbótar ;-)
(sjá hér og hér)

e.s: ef þið viljið gleðja börn sýnið þeim þetta!